Apple Arcade会影响到任天堂地位?

2020-08-12

Apple Arcade会影响到任天堂地位?

Apple发表iPhone 11嘅同时,宣布Apple Arcade会随iOS 13推出,只要每月俾大约50蚊港纸,就可以随时用Apple嘅产品上网打机,首发游戏更超过100只,当中更有Capcom及Konami开发嘅独佔作,虽然首发区域似乎未有香港,但推出都係迟早嘅事。Apple推云端游戏平台有冇得做?土下座唔想讲到好死,但想解释俾大家听,其实Apple已经一早ready。事实上,虽然Apple向来都冇好聚焦解释佢地嘅CPU,但由iPhone X嘅A11 Bionic开始,iPhone效能表现已经超越所有手机成龙头,而今年两部手机齐齐换上A13,效能更可以用「碾压」形容,单讲跑分,「机皇」Note10就连上一代A12都未追到。得一百几十字当然唔会解释到Apple嘅CPU点解咁劲,但其中一个简单原因,係佢地几年前已强迫开发者要用佢地自家嘅Metal API写程式,令Apple产品嘅软体更贴近佢地嘅硬体,大幅提升到图像处理运算效果。内功配合外功呢样嘢从来唔新鲜,游戏界龙头任天堂一直都係箇中好手,因此土下座觉得,未来Apple都唔会想进军或干涉所谓「游戏界」,战略反而会几似任天堂,以轻度玩家为主,即係你可以买PS4又同时买Switch。所以谂谂下,如果Apple Arcade成功,第一个受影响嘅咪就係任天堂?

上一篇: 下一篇:

相关新闻

推荐阅读